Ադրբեջանի Արտաքին գործերի նախարարության մամուլի ծառայության ղեկավար Հիքմեթ Հաջիեւը անդրադառնալով ԱՄՆ Պետդեպարտամենտի խոսնակ Ջեն Փսաքիի մեկնաբանությանը՝ շփման գծում իրավիճակի լարման կապակցությամբ՝ ըստ ադրբեջանական apa.az-ի՝ ասել է. «Ցավոք, Հայաստանն իր սադրիչ գործողություններով ամեն կերպ փորձում է խանգարել խաղաղության մեծ համաձայնագրի վրա աշխատանքը սկսելուն: Վերջին շրջանում շփման գծում իրավիճակի լարումը դրա եւս մեկ ապացույցն է»:
Ադրբեջանի ԱԳՆ ներկայացուցիչը նաեւ ասել է, թե «Ադրբեջանը բազմիցս հայտարարել է, որ նման միջադեպերի կանխման եւ հակամարտության խաղաղ կարգավորման համար, Հայաստանի զինված ուժերն առաջին հերթին պետք է դուրս գան Ադրբեջանի գրավյալ տարածքներից»:
Հիշեցնենք, որ ԱՄՆ Պետդեպարտամենտի խոսնակը կողմերին հիշեցրել էր ստանձնած պարտավորությունները և հորդորել մտնել խաղաղության համաձայնության հանգեցնող բանակցային ուղի։
Պատրաստեց՝ Աննա ԻՍՐԱՅԵԼՅԱՆԸ
Կարդացեք նաև
